پیٹرولنگ پوسٹ نندی پور گوجرانوالہ میں تقریب تقسیم انعامات

کامونکے(اردوپوائنٹ)آئی جی پنجاب شعیب دستگیر کی ہدایات کی روشنی میں ایڈیشنل آئی جی پی ایچ پی کا فیلڈ افسران کی حوصلہ افزائی کا سلسلہ جاری گوجرانوالہ پیٹرولنگ پوسٹ نندی پور گوجرانوالہ میں تقریب تقسیم انعامات۔

گوجرانوالہ: ایڈیشنل آئی جی پٹرولنگ کیپٹن ریٹائرڈ ظفر اقبال اعوان کی زیرِ صدارت تقریب کا اہتمام کیا گیا۔

پپنجاب ہائی وے پٹرول ریجن گوجرانوالہ کے بہترین کارکردگی کا مظاہرا کرنے والے 142 فیلڈ افسران و ملازمان میں کل 550،000 روپے بطور انعام تقسیم کیے گئے۔ تقریب سے خطاب کرتے ہوئے ایڈیشنل آئی جی پٹرولنگ کیپٹن ریٹائرڈ ظفر اقبال اعوان نے کہا کہ آج میرے آنے کا مقصد پٹرولنگ پولیس کے جوانوں کو کرونا جیسی وبا اور ماہ رمضان میں جرائم پیشہ افراد کی بیخ کنی کرنے اور جان فشانی سے ڈیوٹی ادا کرنے پر خراج تحسین پیش کرنا ہے اور یہ بتانا ہے کہ ان سخت حالات میں مجھ سمیت تمام افسران آپ کے ساتھ ہیں.

مزید بات کرتے ہوئے کہا کہ اپنا مورال بلند رکھیں اور ایسے ہی جوش و خروش سے ڈیوٹی کر تے ہوئے شاہرات کو محفوظ سے محفوظ تر بنائیں. تقریب کے اختتام پرایس ایس پی پٹرولنگ گوجرانوالہ رانا شجاعت حسین نے ایڈیشنل آئی جی پٹرولنگ کیپٹن ریٹائرڈ ظفر اقبال اعوان کو سوینئر پیش کیا۔ بعد ازاں پٹرولنگ پوسٹ نندی پور میں فورس کے لیے افطاری کا انتظام کیا گیا تھا ایڈیشنل آئی جی پی ایچ پی ملک ظفراقبال اعوان نے جوانوں کے ساتھ افطاری کی اور مرمت شدہ گاڑیوں کا معائنہ بھی کیا